Hamyurtimiz har uchchala raundda kuchli bosim o‘tkazib, raqibidan ustun ekanligini namoyish etdi va shunga yarasha hakamlar ham Asadxo‘ja Mo‘ydinxo‘jayevning g‘alabasini bir ovozda qayd etishdi.

Bugungi kun tartibidan o‘rin olgan janglarda yana 3 nafar bokschilarimiz ringga ko‘tariladi. Muxlislar uchun eʼtiborlisi, havaskor boksda biroz muddat tanaffus qilgan Olimpiya chempioni Hasanboy Do‘smatov faoliyatidagi yagona kemtik Jahon chempionati oltin medali uchun bugun yurish boshlaydi. Dastlabki bosqichdayoq uning raqibi qozog‘istonlik tajribali bokschi Saken Bibosinov bo‘ladi.

Shuningdek, bugun hamyurtlarimizdan -80 kg vaznda Odiljon Aslonov tanzaniyalik Yusuf Changalaveyga qarshi, -75 kg vaznda Saidjamshid Jafarov esa slovakiyalik Lukas Fernezaga qarshi jang o‘tkazadi.