Turnir aylanma tizimda o‘tkazildi va unda 9 mamlakatdan (O‘zbekiston, Xitoy, Rossiya, Hindiston, Eron, Qozog‘iston, Belarus, Mo‘g‘uliston, Qirg‘iziston) jami 10 ta jamoa ishtirok etdi.

Mamlakatimiz jamoasi sharafini uch nafar grossmeysterimiz – Nodirbek Abdusattorov, Shamsiddin Vohidov va Nodirbek Yoqubboyev himoya qilishdi va umumiy 9 ta o‘yindan 7 tasida g‘alaba qozonishib, 2 tasida raqib bilan murosa yo‘lini tanlashdi. 

Vakillarimiz umumiy 20 ochko to‘plashgan holda SHHT mamlakatlari orasida eng kuchlisi ekanliklarini isbotlashdi. Musobaqada ikkinchi va uchinchi o‘rinlarni Xitoyning ikki jamoasi egallashdi. To‘rtinchi o‘rinni rossiyaliklar 14,5 ochko bilan qo‘lga kiritishdi.

Manba: O‘zbekiston Respublikasi Turizm va madaniy meros vazirligi