O‘zbekiston Respublikasi Moliya vazirligi Axborot texnologiyalari markazi hamda «UNICON SOFT» MCHJ bilan hamkorlikda Ijro intizomi idoralararo yagona elektron tizimda vazirlik va tashkilotlar o‘rtasida o‘zaro kelishish imkoniyati yaratildi.

O‘zbekiston Respublikasi Prezidentining «Ijro intizomi idoralararo yagona elektron tizimini joriy etish chora-tadbirlari to‘g‘risida» 2017 yil 9 avgustdagi PF-5017-son farmoyishiga muvofiq, O‘zbekiston Respublikasi Moliya vazirligi «AXBOROT TEXNOLOGIYALARI MARKAZI» bilan «UNICON SOFT» MCHJ hamkorlikda adm.ijro.uz tizimda, qog‘oz hujjatlar bilan ishlashdan voz kechilib, hujjatlar bilan ishlashga bog‘liq barcha jarayonlar elektron tarzda amalga oshirilishi shuningdek hujjatlarni elektron tartibida, elektron raqamli imzo kaliti orqali imzolanishi uchun yaratilgan adm.ijro.uz tizim orqali tashkilotlar o‘rtasida hujjatlarni o‘zaro kelishish hamda yuqori turuvchi tashkilotga imzolash uchun kiritish imkoniyati yaratildi, bu esa o‘z navbatida sohada qulayliklarni yaratish, ish samaradorligini yanada oshirish hamda ortiqcha vaqt sarflamaslik imkoniyatini beradi.

Manba: O'zA