Endilikda qator xizmatlardan foydalanish uchun Urganch shahridagi Davlat xizmatlari markazi binosiga kirish va navbat olishga hojat yo‘q.

“DXM drive” xizmatidan foydalanib, avtotransport vositasidan tushmagan holda ishingizni bitirishingiz mumkin. “DXM drive” xizmati fuqarolarga:

• bolalarni maktabgacha ta’lim tashkilotlariga elektron navbatga qo‘yish;

• pensiya haqida ma’lumotnoma olish;

• nafaqa tayinlash;

• elektr, gaz va ichimlik suvi hisoblagichlarini plombalash va boshqa xizmatlardan foydalanish uchun arizalarni to‘ldirishga va tayyor hujjatlarni binoga kirmasdan, shuningdek, avtotransport vositasidan chiqmasdan olish imkonini beradi.

Eslatib o‘tamiz, ushbu xizmat Urganch shahar DXM binosi yonidagi avtoturargoh (parking) hududida sinov tariqasida joriy etilgan bo‘lib, haftaning dushanba va seshanba kunlari xizmat ko‘rsatmoqda.

Manba: O'zA