2021-yil 10-20-sentyabr kunlari Qozog‘istonning Chimkent shahrida o‘q otish bo‘yicha 14-Osiyo chempionati bo‘lib o‘tdi.

O‘zbekiston terma jamoasi besh nafar murabbiy rahbarligida 28 sportchi bilan ishtirok etdi. Jamoa 5 ta oltin medal va Osiyo chempioni unvonlarini qo‘lga kiritdi!

Nigina Saidqulova yakka va jamoaviy hisobda g‘alaba qozonib, terma jamoa hisobiga ikkita oltin medalni taqdim etdi.  

Tokio-2020 Olimpiadasi ishtirokchisi Muxtasar Tohirova va Rio-2016 Olimpiadasi ishtirokchisi Vadim Skorovarov aralash jamoaviy mashqlarda kumush medalni qo‘lga kiritdi. Muxtasar Tohirova Osiyo, jamoaviy va aralash mashqlar bo‘yicha ikki karra kumush medal sohibasi bo‘ldi.

O‘q otish bo‘yicha 14-Osiyo chempionatida O‘zbekiston terma jamoasi 5 ta oltin, 11 ta kumush va 5 ta bronza medaliga egalik qildi.  

Manba: O'zA