Bugun, 15-sentabr kuni Xalqaro moliya korporatsiyasi (XMK) bosh direktori va korporatsiyaning vitse -prezidenti Maxtar Diop boshchiligidagi delegatsiya IT-Parkga tashrif buyurdi.

XMK delegatsiyasining O'zbekistonga tashrifining asosiy maqsadi - mahalliy kompaniyalar bilan o‘zaro aloqalarini kuchaytirish, startap ekotizim va umuman IT sohasi bilan tanishtirishdir.

Uchrashuvda O'zbekiston Respublikasi axborot texnologiyalari va kommunikatsiyalarini rivojlantirish vazirining birinchi o'rinbosari Oleg Pekos qatnashdi.

Uchrashuv davomida “Datasite Technology”, “Iman Halal Investments”, “Mayasoft”, “Finextra”, “Express24” va “MyTaxi” kabi kompaniyalarning ta'sischilari o'z faoliyatlari haqida gapirib berishdi va o'z loyihalarini taqdim etishdi.  Chet ellik mehmonlar kompaniyalar va loyihalar asoschilariga o'zlarini qiziqtirgan savollarni berishdi va O'zbekiston IT sohasidagi ishbilarmon doiralar bilan yaqindan tanishishdi.

Ma’lmot uchun:

Xalqaro moliya korporatsiyasi  rivojlanayotgan mamlakatlarda xususiy sektorga e'tibor qaratadigan eng yirik global rivojlanish tashkilotidir.

Xalqaro moliya korporatsiyasi 1956-yilda tashkil topgan va u rivojlanayotgan mamlakatlar konvertatsiyasining xususiy sektori bo'lishi mumkinligi haqidagi fikrga asoslanadi. O'shandan beri korporatsiya o'z faoliyatini dunyoning 100 dan ortiq mamlakatlarida kengaytirdi.

Manba: O‘zbekiston Respublikasi Raqamli texnologiyalar vazirligi