2021-yilning 8-sentabr kuni O‘zbekiston Respublikasi Tashqi ishlar vaziri o‘rinbosari G‘ayrat Fozilov  Gretsiya Respublikasining Favqulodda va Muxtor Elchisi (qarorgohi Moskva shahrida joylashgan) Yekaterini Nassika bilan uchrashuv o‘tkazdi.

G‘.Fozilov Elchini yuqori va mas’uliyatli lavozimga tayinlangani bilan tabrikladi va uning faoliyatiga muvaffaqiyat tiladi.

Suhbat chog‘ida siyosiy, savdo-iqtisodiy, ta’lim, madaniy-gumanitar va turizm sohalarida O‘zbekiston-Gretsiya munosabatlarining hozirgi holati va istiqbollari muhokama qilindi.

Turli darajadagi bo‘lajak tadbirlar jadvali, jumladan, vazirliklararo siyosiy maslahatlashuvlarning navbatdagi davrasini o‘tkazish masalasi ko‘rib chiqildi.

Shuningdek, mintaqaviy va xalqaro kun tartibining ayrim masalalari yuzasidan fikr almashildi.

Manba: O’zbekiston Respublikasi Tashqi ishlar vazirligi