2021-yilning 26-avgust kuni O‘zbekiston Respublikasi va Serbiya Respublikasi tashqi ishlar vazirliklari o‘rtasida siyosiy maslahatlashuvlar bo‘lib o‘tdi.

Serbiya delegatsiyasiga Tashqi ishlar vazirligi davlat kotibi Nemanya Starovich, O‘zbekiston delagatsiyasiga esa Tashqi ishlar vaziri o‘rinbosari G‘ayrat Fozilov boshchilik qildi.

Suhbat chog‘ida ikki tomonlama hamkorlikning hozirgi holati va istiqbollari muhokama qilindi.

Tomonlar O‘zbekiston va Serbiya o‘rtasidagi siyosiy-diplomatik muloqotni, shu jumladan, turli darajadagi o‘zaro tashriflar va muzokaralarni tashkil etish orqali faollashtirish zarurligini qayd etdilar.

Savdo-iqtisodiy hamkorlikni rivojlantirish nuqtayi nazaridan sohaviy Hukumatlararo komissiyani tuzish, investitsiyalarni jalb qilish va himoya qilish, savdo-iqtisodiy hamkorlik to‘g‘risida hukumatlararo bitimlar tuzish, Serbiya kompaniyalarni O‘zbekistonda investitsiya loyihalarini amalga oshirishga jalb qilish imkoniyatlarini muhokama qilishdi.

Delegatsiyalar madaniy-gumanitar va mintaqalararo aloqalarni kengaytirishdan manfaatdor ekanliklarini bildirdilar.

Shuningdek, ayrim mintaqaviy va xalqaro muammolar, tomonlarning ko‘p tomonlama tuzilmalar doirasidagi o‘zaro munosabatlari yuzasidan fikr almashildi.

Manba: O’zbekiston Respublikasi Tashqi ishlar vazirligi