Unda Senat a'zolari, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari doimiy komissiyalari raislari, qo‘mita huzuridagi ekspertlar guruhi a'zolari, mutasaddi vazirlik va idoralar, O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat inspeksiyasi rahbariyati hamda ommaviy axborot vositalari vakillari ishtirok etdi.

 

Majlisda Senatning o‘n sakkizinchi yalpi majlisida muhokama qilinishi nazarda tutilgan 6 ta masala (shundan 3 tasi qonun) ko‘rib chiqildi. 

 

Shu bilan birga qonun va qonun osti hujjatlarini yanada tartibga solish, ularda jismoniy va yuridik shaxslarning murojaatlari bilan ishlash tizimini yangicha tashkil qilish yuzasidan 5 ta kodeksga, ya'ni Jinoyat-prosessual, Fuqarolik prosessual, Iqtisodiy prosessual, Ma'muriy javobgarlik to‘g‘risidagi hamda Ma'muriy sud ishlarini yuritish to‘g‘risidagi kodekslariga bir qator o‘zgarishlar va qo‘shimchalar kiritish muhokama etildi.

 

Senatorlar tomonidan “O‘zbekiston Respublikasining ayrim qonun hujjatlariga o‘zgartishlar kiritish to‘g‘risida”gi O‘zbekiston Respublikasi Qonuni to‘g‘risida atroflicha muhokama qilindi.

 

E'tiborlisi, O‘zbekiston Respublikasi hududida joylashgan texnik vositalarda hamda shaxsga doir ma'lumotlar bazalarining davlat reestrida belgilangan tartibda ro‘yxatdan o‘tkazilgan ma'lumotlar bazalarida shaxsiga doir ma'lumotlarni qonunga xilof ravishda olish, qayta ishlash, saqlash, tarqatishga oid talablarga rioya etmaslik uchun ma'muriy va jinoiy javobgarlik belgilanayotganligi qayd etib o‘tildi. Mazkur masala bo‘yicha OAV xodimlari hamda majlis ishtirokchilarining savollariga O‘zkomnazorat mas'ullari tomonidan javob hamda tushuntirishlar berildi.

 

Majlisda muhokama qilingan masalalar yuzasidan qo‘mitaning tegishli qarorlari qabul qilindi.