O‘zbekiston Respublikasi Moliya vazirligi huzuridagi Moliya organlari hamda budjet tashkilotlarining moliya-hisob bo‘linmalari xodimlarini tayyorlash va qayta tayyorlash O‘quv markazi hamda O‘zbekiston Respublikasi Vazirlar Mahkamasi huzuridagi Xorijiy tillarni o‘rganishni ommalashtirish agentligi o‘rtasida o‘zaro hamkorlik to‘g‘risida memorandum imzolandi.

Memorandumni imzolash orqali tomonlar O‘zbekiston Respublikasi Moliya vazirligi xodimlarining xorijiy tillarni o‘zlashtirish darajasini oshirish hamda vazirlikni yuqori malakali va raqobatbardosh kadrlar bilan to‘ldirish, shuningdek, ular orasida xorijiy tillarni o‘rganishni ommalashtirish bo‘yicha ishlarni samarali tashkillashtirish yuzasidan kelishuvga erishdilar.

Mazkur memorandum Moliya vazirligi xodimlarining xorijiy tillarni o‘rganishga qiziqishlari va ilmiy salohiyatlarini oshirishga xizmat qiladi.

Manba: O‘zbеkistоn Rеspublikаsi Mоliya vаzirligi