O`zbekiston Respublikasi
Hukumat portali
SHHTga aʼzo davlatlar qishloq xo‘jaligi vazirlarining navbatdagi yig‘ilishi onlayn shaklda o‘tkaziladi
2021-08-10 | Siyosat
Shanxay hamkorlik tashkilotiga (SHHT) aʼzo davlatlar qishloq xo‘jaligi vazirlarining oltinchi yig‘ilishi 12-avgust kuni Dushanbe shahrida onlayn shaklda o‘tkaziladi.
Tojikistonning “Xovar” milliy axborot agentligi manbasiga ko‘ra, yig‘ilishda SHHTga aʼzo davlatlarning oziq-ovqat xavfsizligi, veterinariya, fitosanitar va o‘simliklar karantini tuzilmalari rahbarlari ishtirok etadi.
Anjuman doirasida SHHTning qishloq xo‘jaligi sohasidagi hamkorligi masalalari muhokama qilinishi rejalashtirilgan.
Eslatib o‘tamiz, Tojikiston 2020-2021 yillarda SHHTga raislik qilmoqda va 6 avgust kuni tashkilotga aʼzo davlatlar adliya vazirlarining 8-yig‘ilishi ham videokonferensiya shaklida o‘tkazildi.
SHHTga aʼzo davlatlar rahbarlari kengashining sentyabr oyida Dushanbe shahrida bo‘lib o‘tadigan yig‘ilishidan so‘ng 2021-2022 yillardagi tashkilot raisligi O‘zbekistonga o‘tishi kutilmoqda.
Manba: “Dunyo” axborot agentligi