Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Ilmiy faoliyatga oid davlat dasturlari doirasida e'lon qilingan loyihalar tanlovlari g‘oliblari taqdirlandi
2021-06-25 | Jamiyat
Malumki, Innovatsion rivojlanish vazirligi tomonidan ilmiy tadqiqot ishlariga davlat buyurtmasi talablariga muvofiq ilmiy faoliyatga oid davlat dasturlari doirasida bajariladigan fundamental, amaliy hamda innovatsion loyihalar tanlovi muntazam o‘tkazib kelinmoqda.
Xususan 2021-yilning birinchi yarim yilligida ilmiy faoliyatga oid davlat dasturlari doirasida umumiy qiymati 104,3 mlrd so‘m bo‘lgan 96 ta ilmiy loyihalar moliyalashtirildi.
Bugun 8 ta fan yo‘nalishi kesimida Fanlar Akademiyasi hamda 5 ta vazirlik tasarrufidagi 14 ta ilmiy-tadqiqot institutlari, 10 ta oliy ta'lim muassasasi, 9 ta ilmiy markazlar tomonidan bajarilayotgan loyiha rahbarlariga ilmiy faoliyatga oid davlat dasturlari doirasida moliyalashtirilgan umumiy qiymati 38,2 mlrd. so‘m bo‘lgan 33 ta amaliy hamda innovatsion loyiha rahbarlariga sertifikatlar topshirilmoqda.
Ushbu loyihalarning yakuniy natijalari qishloq xo‘jaligi sohasida agrotexnologiyalar, tibbiyot sohasida davolash texnologiyalari, axborot texnologiyadari sohasida dasturiy mahsulotlar, mobil ilovalar ishlab chiqishga qaratilgan.
Ma'lumot uchun: Joriy yilda umumiy qiymati 179,9 mlrd. so‘m bo‘lgan 158 ta tematik mavzu (48 ta innovatsion, 110 ta amaliy)lar e'lon qilindi.
Hozirda 11 ta fan yo‘nalishi bo‘yicha umumiy qiymati 55,7 mlrd so‘m bo‘lgan 48 ta tematik mavzular uchun tanlovlar davom etmoqda.
Shuningdek, “O‘zbekiston-Turkiya” xalqaro ilmiy loyihalar tanlovi, “O‘zbekiston-Belarus'” xalqaro fundamental loyihalar tanlovi, “O‘zbekiston-Vengriya”, “O‘zbekiston-Rossiya” ilmiy va startap loyihalar tanlovi ham davom etmoqda.
Manba: O‘zbekiston Respublikasi Innovatsion rivojlanish agentligi
