Turizm va sport vazirligi tasarrufidagi texnikum va kollejlarda “ochiq eshiklar kuni” o‘tkazilmoqda.

Tadbirlarda joylardagi bosh boshqarmalar, turizm va xizmat ko‘rsatish sohasi vakillari, xalq ta’limi, madaniyat vazirliklarining hududiy boshqarmalari mutasaddilari, Yoshlar ishlari agentligi va bir qator tashkilotlar mutaxassislari ishitok etishdi. 

Tadbirlardan ko‘zlangan asosiy maqsad kelajakda turizm sohasida kadrlar tayyorlash uchun iqtidorli maktab bitiruvchilarini ta’lim muassasalariga keng jalb qilish, yoshlarda turizm sohasiga qiziqish uyg‘otish, bitiruvchi talabalarni kelajakda ish bilan ta’minlash, o‘quvchilarning nazariy bilimlarini amaliyot bilan integratsiyasini yo‘lga qo‘yishdan iborat.

Uchrashuvlar davomida ishtirokchilarga ta’lim muassasalari tomonidan kasbga yo‘naltiruvchi taqdimotlar, roliklar, flayerlar, risolalar va boshqa materiallar taqdim qilindi.

Manba: O‘zbekiston Respublikasi Turizm va madaniy meros vazirligi