“Elektron hukumat loyihalarini boshqarish markazi” davlat muassasasi xodimlarining huquqiy ongi va huquqiy madaniyatini yuksaltirish boʻyicha tasdiqlangan chora-tadbirlar dasturi doirasida markaz xodimlari ishtirokida navbatdagi davra suhbati boʻlib oʻtdi.

Tadbirda Vazirlar Mahkamasining 2021-yil 28-apreldagi “Sogʻlom turmush tarzi” platformasi faoliyatini tashkil etish chora-tadbirlari toʻgʻrisida”gi 253-sonli qarori mazmun-mohiyatini tushuntirib berdi.

Taʼkidlanishicha, “Sogʻlom turmush tarzi” platformasi 2021-yil 1-iyundan boshlab ishga tushiriladi va toʻlovlar belgilangan tartibda amalga oshiriladi.

Mazkur platformani mobil ilovasini yaratishdan maqsad, aholi orasida sogʻlom turmush tarzini keng targʻib qilish orqali tarkibida tuz, qand va yogʻ miqdori koʻp boʻlgan hamda xamirli taom va shirinliklarni, non mahsulotlarini isteʼmol qilishni qisqartirish, zararli odatlardan, xususan, alkogol va tamaki mahsulotlarini isteʼmol qilishdan voz kechish yoʻli bilan kasallikka chalinish, ortiqcha vazn holatlari (semizlik) va bevaqt vafot etishni kamaytirishga qaratilgan ragʻbatlantiruvchi ilova sifatida ishlab chiqildi.

Oʻzbekiston hududida bir sutka davomida oʻn ming va undan ortiq qadam yurgan fuqarolarning mobil ilovasidagi elektron hamyoniga 3 ming soʻmdan pul mablagʻini kelib tushadi.

Qolaversa, har oyda:

• har bir tuman (shahar) boʻyicha eng koʻp yurgan fuqaroga 300 ming soʻmdan;
• har bir hudud,yaʼni Qoraqalpogʻiston Respublikasi, viloyatlar va Toshkent shahri boʻyicha eng koʻp yurgan fuqaroga 500 ming soʻmdan;
• respublika boʻyicha eng koʻp yurgan fuqaroga 1 million soʻm qoʻshimcha ravishda platformadagi elektron hamyoniga oʻtkaziladi.

“Sogʻlom turmush tarzi platformasi” haqida maʼlumotlar bilan 1hls.uz veb-saytiga kirgan holda tanishib chiqish mumkin.

Mobil ilovani esa, mobil qurilmani operatsion tizimiga koʻra, “Play market“ va ”App store”mobil ilovalar onlayn doʻkonidan bepul yuklab olish mumkin.

“Sogʻlom turmush tarzi platformasi”ni mobil ilovasini qurilmaga yuklab olgandan soʻng, undan roʻyxatdan oʻtish jarayonini amalga oshirish shart boʻladi. Bunda fuqarolik pasporti orqali “id.egov.uz” yagona identifikatsiya tizimidan roʻyxatdan oʻtiladi va mazkur mobil ilovamizda elektron hamyon ochiladi. Shundan soʻng, mobil ilovadan qadamlarini koʻrib boriladi.

Shuningdek, ushbu hujjat bilan Idoralararo baholash reytingi quyidagi mezonlar boʻyicha 100 ballik tizimda amalga oshiriladi:

• “Sogʻlom turmush tarzi” mobil ilovasidan roʻyxatdan oʻtgan tashkilot xodimlari soni (jami xodimlar soniga nisbatan foizda) — 30 ballgacha;
• bir sutka davomida oʻn ming va undan ortiq qadam yurgan eng koʻp tashkilot xodimlari soni (jami xodimlar soniga nisbatan foizda) — 50 ballgacha;
• bir sutka davomida oʻn ming va undan ortiq qadam yurgan tashkilotning 50 yoshdan oshgan eng koʻp xodimlari uchun qoʻshimcha ravishda — 20 ballgacha baholanadi.

Bundan tashqari, vazirlik va idoralar, mahalliy davlat hokimiyati organlari va boshqa tashkilotlarda platformada roʻyxatdan oʻtgan xodimlari hamda ularning yurish va natijalari 100 ballik reyting tizimi asosida quyidagicha baholanadi:

• 85,0 — 100 ball toʻplanganda — “namunali”;
• 71,0 — 84,9 ball toʻplaganda — “yaxshi”;
• 50,0 — 70,9 ball toʻplaganda — “qoniqarli”;
• 49,9 ball va undan kam ball toʻplaganda — “qoniqarsiz”.

Ushbu tadbirlar ishtirok etadigan shaxslarni, yaʼnigʻoliblarni ragʻbatlantirish tartibi ham ushbu hujjat bilan belgilab berilgan.

Unga koʻra, vazirlik va idoralar, mahalliy davlat hokimiyati organlari va boshqa tashkilotlarning platformada roʻyxatdan oʻtgan xodimlari hamda ularning yurish natijalari va yakuniy reyting baholari Turizm va sport vazirligi tomonidan tasdiqlanadi.

Yarim yillik yakunida reyting ballari natijalari boʻyicha “namunali” deb topilgan davlat organlari (tashkilotlar) rahbarlarini ragʻbatlantirish (esdalik sovgʻalari, diplom va boshqalar) Turizm va sport vazirligining hamda hududiy tashkilotlar rahbarlarini ragʻbatlantirish (esdalik sovgʻalari, diplom va boshqalar) hududiy ommaviy sport tadbirlarini oʻtkazish uchun rejalashtirilgan mablagʻlar hisobidan qoplanadi.

Mashgʻulot yakunida ishtirokchilar tomonidan mavzuiga oid berilgan savollar boʻyicha tushuntirishlar berildi va ishtirokchilar oʻz fikr mulohazalarini bildirdi.

Manba: «Yangi O"zbekiston»