Qozog‘istonning Olmaota shahrida dzyudo bo‘yicha o‘smirlar va yoshlar o‘rtasida o‘tkazilgan Osiyo ochiq kubogi yakuniga yetdi.

Musobaqaning so‘nggi kuni yoshlar o‘rtasidagi bahslar bo‘lib o‘tdi. Keskin va murosasiz o‘tgan bahslarda dzyudochilarimiz 6 ta oltin, 2 ta kumush, 6 ta bronza, jami 14 ta medalni qo‘lga kiritib, umumjamoa hisobida mezbonlardan keyin ikkinchi o‘rinni egalladi.  

Eslatib o‘tamiz, Osiyo ochiq kubogining dastlabki ikki kunida o‘smirlar o‘rtasidagi O‘zbekiston terma jamoasi 6 ta oltin, 8 ta kumush, 11 ta bronza medalini qo‘lga kiritgan edi.

Manba: O'zA