Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Bosh vazir o‘rinbosari Jamshid Qo‘chqorov Sirdaryoda tadbirkorlar bilan uchrashdi
2021-04-28 | Iqtisodiyot
O‘zbekiston Respublikasi Bosh vazirining o‘rinbosari Jamshid Qo‘chqorov Sirdaryo viloyati Guliston shahridagi “Yoshlar markazi”da sirdaryolik tadbirkorlar va ishbilarmonlar bilan uchrashdi.
Uchrashuvda viloyat hokimi G‘ofurjon Mirzayev, respublikadan kelgan tegishli vazirliklar, tashkilot va idoralar rahbarlari ham ishtrok etishdi.Tadbirni O‘zbekiston Savdo-sanoat palatasi raisi Adham Ikromov olib bordi.
Tadbirkorlikni rivojlantirishda yuzaga kelayotgan muammolarni o‘rganish, asosan respublika miqyosidagi idoralarning to‘g‘ridan to‘g‘ri aralashuvini talab etadigan masalalarni hal qilish maqsadida o‘tkazilayotgan tadbir davomida 200 ga yaqin tadbirkor murojaati tinglanadi.
Viloyat rahbarining tadbirkorlar bilan doimiy muloqoti natijasida ko‘plab muammolar hal etilib kelinayotganini ta'kidlagan murojaatchilar, o‘z tadbirkorliklarini rivojlantirish uchun qonunchilikda mavjud ba'zi byurokratik to‘siqlarni olib tashlash bo‘yicha Bosh vazir o‘rinbosariga takliflarini bildirdilar.
Bundan tashqari tadbirkorlik faoliyati uchun zarur bo‘lgan ruxsatnomalar olish, kommunikasiya tarmoqlariga ulanish, bo‘sh turgan bino va inshootlardan foydalanish, bojxona to‘lovlarida imtiyozlar olish va boshqa turli masalalarda Respublika vazirliklari va idoralari ruxsati va aralashuvi talab etiladigan murojaatlar kelib tushdi.
Murojaatlarning ijrosi yuzasidan tegishliligi bo‘yicha mas'ul mutasaddilarga aniq vazifalar berildi. Qonuniy jihatdan qanoatlantirish imkoniyati mavjud bo‘lmagan murojaatlar bo‘yicha tadbirkorlarga tushunchalar berildi hamda loyihalarini takomillashtirish bo‘yicha amaliy yordam berilishiga kelishildi.
Manba: O`zbekiston Respublkasi Savdo sanoat Palatasi
