O‘zbekiston tashqi ishlar vazirining birinchi o‘rinbosari Farhod Arziyev 26-aprel kuni Markaziy Osiyo mintaqaviy iqtisodiy hamkorlik instituti  (MOMIHI) direktori Said Shakil Shoh bilan onlayn shaklda muzokaralar o‘tkazdi

Tomonlar Markaziy Osiyodagi mintaqaviy hamkorlik masalalari, COVID-19 pandemiyasining mintaqaning ijtimoiy-iqtisodiy rivojlanishiga taʼsiri, savdo-iqtisodiy, sarmoyaviy va transport-kommunikatsiya aloqalarini chuqurlashtirish imkoniyatlarini muhokama qildi.

MOMIHI instituti rahbari 2021-yil iyul oyida Toshkent shahrida bo‘lib o‘tadigan  «Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar» mavzusidagi
yuqori darajadagi xalqaro konferensiyada ishtirok etishga qiziqish bildirdi.

Uchrashuv yakunida MOMIHI instituti va Markaziy Osiyo xalqaro instituti o‘rtasida hamkorlik aloqalarini o‘rnatish, shuningdek, transport-kommunikatsiya sohasidagi qo‘shma loyihalarni amalga oshirish to‘g‘risida kelishuvlarga erishildi

Manba: “Dunyo” axborot agentligi