Poytaxtimizda O‘zbekiston Respublikasiga koronavirusning kirib kelishi va tarqalishining oldini olish bo‘yicha chora-tadbirlar dasturini tayyorlash bo‘yicha respublika maxsus komissiyasi kengaytirilgan yig‘ilishi davom etmoqda.

Sog‘liqni saqlash vaziri A.Hojiboyevning qayd etishicha, karantin qoidalarini qo‘pol ravishda buzish kasallik ko‘payishiga asosiy sabab bo‘lmoqda.

– Ayrimlar niqob taqishni unutib qo‘yishdi. Kasallik menga yuqmaydi, deb beparvo yuruvchilar bor. Ular o‘ylashmaydiki, kasallik 95 foiz holatda havo orqali yuqishi aniqlangan, – deydi A.Hojiboyev. – Shu sababli xotirjamlikka berilishga umuman haqimiz yo‘q.

Yig‘ilish davom etmoqda.

Manba: O'zA