Mudofaa vazirligi Toifalangan ob'ektlarni qo‘riqlash qo‘shinlari qo‘mondonligi harbiy qismlarida ham ushbu bayramlarni ko‘tarinki ruhda o‘tkazish maqsadida turli ma'naviy tadbirlar tashkil etilmoqda. Xususan, Bekobod shahridagi harbiy qismda yurt himoyachilarining turmush o‘rtoqlari ishtirokida “Zakovat” itellektual o‘yini o‘tkazildi. Oqila bekalar berilgan savollarga aniq va batafsil javob berib, zukkoliklarini barchaga namoyon etdilar. Bellashuv natijalariga ko‘ra g‘olib jamoa harbiy qism komandirining Faxriy yorliq va esdalik sovg‘alari bilan taqdirlandi.

 

 

Olmaliq shahridagi harbiy qismda esa, harbiylar va ularning oila a'zolari hamda o‘quvchi yoshlar ishtirokida bahor taomi sumalak tayyorlash boshlab yuborildi. Erta tongdan doshqozon osilib, ahillikda qozonga solingan sumalak o‘z atrofida yoshu qarini birlashtirdi. Shuningdek, har bir bo‘linma tomonidan bahoriy taomlar ko‘rgazmasi ham tashkil etildi. O‘quvchi yoshlar va harbiylar ishtirokida o‘tkazilgan milliy o‘yinlar esa barchaga xush kayfiyat bag‘ishladi.

 

Toifalangan ob'ektlarni qo‘riqlash qo‘shinlari qo‘mondonligi matbuot xizmati