Dastlab hududda olib borilayotgan keng ko‘lamli obodonlashtirish ishlari, ko‘cha va xonadonlarning tozaligi, saranjom-sarishtaligiga alohida e'tibor qaratilib, kam ta'minlangan, boquvchisini yo‘qotgan fuqarolarning xonadonlarida hasharlar uyushtirildi. Mahallaning ichki tuproq ko‘chalariga tosh to‘kilib, tekislandi. Qurilish ishlariga 2 ta yuk mashinasi, 1 ta yo‘l tekislovchi mashina hamda 2 ta ekskavator transport vositalari jalb etildi. Shu bilan birga hashar orqali 22 ta aholi uy-joylarining devorlari oqlanib, 56 ta xonadon hovlisi tartibga keltirildi. 200 metr masofadagi yo‘l bo‘ylari esa maxsus texnikalar yordamida tozalandi.

 

Boshqarma boshlig‘i T.Qirg‘izboev, shuningdek, mahalla aholisining ijtimoiy-iqtisodiy muammolarini aniqlash va ularni “Mahalla – sektor – Xalq qabulxonasi – mahalla” tamoyili asosida tizimli hal etish bo‘yicha fuqarolar yig‘ini xodimlariga amaliy-uslubiy tavsiyalar berdi.