Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
O‘zbekiston Respublikasi Bosh vazirining o‘rinbosari Islom taraqqiyot banki Guruhi Boshqaruvchilari Kengashi Raisi etib saylandi
2021-02-08 | Iqtisodiyot
O‘zbekiston tarixida birinchi marta Islom taraqqiyot banki (ITB) Guruhi Boshqaruvchilari Kengashi – Bank oliy boshqaruv organi Raisi etib O‘zbekiston tomonidan Boshqaruvchi, O‘zbekiston Respublikasi Bosh vazirining o‘rinbosari - investitsiyalar va tashqi savdo vaziri S.Umurzakov saylandi.
Eslatib o‘tamiz, avvalroq, o‘tgan yilning oktabr oyida S.Umurzakov Yevropa tiklanish va taraqqiyot banki (ETTB) Boshqaruvchilari Kengashi Raisining o‘rinbosari etib saylangan edi.
Ma'lumot uchun: o‘z ichiga Islom taraqqiyot banki, Xususiy sektorni rivojlantirish bo‘yicha islom korporatsiyasi, Xalqaro islom savdo-moliya korporatsiyasi, Investisiyalar va eksport kreditlarini sug‘urtalash islom korporatsiyasi va Islom tadqiqot va ta'lim institutini olgan Islom taraqqiyot banki Guruhi 1974-yilda Jidda (Saudiya Arabistoni) shahrida tashkil etilgan. ITB a'zolari tarkibiga 57 mamlakat kiradi. Bank faoliyatining asosiy yo‘nalishi iqtisodiyotning strategik tarmoqlarida yirik infratuzilmaviy va ijtimoiy ahamiyatga ega loyihalarni moliyalashtirishdir.
Manba: O‘zbekiston Respublikasi investitsiyalar, sanoat va savdo vazirligi
