Ma'lumki, Rossiya Fanlar Akademiyasininig xorijiy a'zosi, iqtisod fanlari doktori, professor, akademik V.L.Kvint boshchiligida M.V.Lomonosov nomidagi Moskva Davlat universiteti murakkab tizimlarning matematik tadqiqotlari institutining strategik tadqiqot markazi yetakchi olim va mutaxassislari bilan birgalikda shakllantirilgan “2035-yilgacha bo‘lgan davrda O‘zbekiston Respublikasida suv ta'minoti va suv chiqarishni rivojlantirish strategiyasi konsepsiyasi” asosida O‘zbekistonda toza suvdan foydalanish orqali insonlarning hayoti va sog‘lig‘ini yaxshilash maqsadida “O‘zbekiston Respublikasi suv ta'minoti, suv chiqarish va suv balansining 2035-yilgacha va uzoq istiqbollarga mo‘ljallangan Strategiyasi” ishlab chiqildi.

 

 

Ahamiyatlisi, strategiyada professor V.L.Kvint boshchiligidagi rossiyalik yetakchi olim va mutaxassislar tomonidan respublikamizning suv ta'minoti, suv chiqarish va suv balansi sohasida sifat jihatidan yangi kelajakni ko‘zlovchi, mavjud resurslar va raqobatbardosh ustunliklarga tayangan holda mamlakatimiz aholisining hayoti va salomatligini yaxshilashga qaratilgan innovatsion yechimlar taklif etilgan.

 

Bo‘lib o‘tgan tadbirda aynan mazkur yo‘nalishga oid istiqboldagi reja va vazifalarga alohida to‘xtalib o‘tilib, o‘zaro fikr-mulohaza almashildi. 

 

Shuningdek, strategiyada belgilangan ustuvor yo‘nalishlar  ham tadbir qatnashchilarining diqqat markazida bo‘ldi.