Termiz arxeologiya muzeyida «Surxon vohasi O‘rta Osiyo kulolchiligi tamadduni» nomli ko‘rgazma tashkil etildi, deb xabar bermoqda “Dunyo” AA muxbiri.

Madaniyat vazirligi maʼlumotiga ko‘ra, ko‘rgazma ochilishida muzey xodimlari surxon vohasi qadimgi kulolchiligi tarixi  va qadimgi o‘zbek davlatchiligi poydevori bo‘lgan Jarqo‘ton yodgorligi kulolchilik maktabi haqida maʼlumotlar berildi.

Shuningdek, muzey zaxira fondida saqlanayotgan bronza davri sopol idishlari to‘g‘risida tayyorlangan taqdimot qatnashchilarga namoyish etildi.

Taqdimot muzey bo‘ylab ekskursiya bilan davom etdi.

Ko‘rgazmada Xayrulla kulol tomonidan charxda yasalgan bejirim sanʼat namunasi mehmonlarga katta taassurot qoldirdi.

Manba: “Dunyo” axborot agentligi