O`zbekiston Respublikasi
Hukumat portali
Sirdaryoda uloq-koʻpkari boʻyicha yirik musobaqa oʻtkazildi
2020-12-13 | Sport
Sirdaryo viloyatida Oʻzbekiston Respublikasi Prezidentining 2017-yil 15-iyundagi “Oʻzbekiston Respublikasida yilqichilik va ot sportini rivojlantirishga doir qoʻshimcha chora-tadbirlari toʻgʻrisida”gi hamda 2019-yil 18-fevraldagi “Oʻzbekiston Respublikasida yilqichilik va ot sportini yana-da rivojlantirish chora-tadbirlari toʻgʻrisida”gi qarorlari ijrosini taʼminlash, qolaversa Qishloq xoʻjaligi xodimlari kuni bayramini keng nishonlash maqsadida uloq-koʻpkari musobaqalari tashkil qilindi.
Sirdaryo tumanida boʻlib oʻtgan mazkur bayramona bellashuvda mezbonlardan tashqari Andijon, Fargʻona, Toshkent, Samarqand, Qashqadaryo viloyatlari hamda qoʻshni Qozogʻiston, Qirgʻiziston, Tojikiston Respublikalaridan kelgan ming nafarga yaqin mohir chavandozlar ishtirok etishdi.
Gʻoliblar shu yerning oʻzida zot, yaʼni sovrinlarini qabul qilib olishdi.
Manba: O‘zbekiston Respublikasi Yoshlar siyosati va sport vazirligi