Respublika Ishchi guruhi joylarda asosiy yo‘nalishlar bo‘yicha ish olib bordi. Jumladan, ishchi guruhi viloyatda yerdan samarali foydalanish va o‘zlashtirish, suv tejovchi texnologiyalarni joriy etish va irrigasiya-melioratsiya, intensiv bog‘-tokzorlar hamda issiqxonalar barpo etish, sanoatbop tokzorlar barpo etish, agrar sohani rivojlantirish, meva-sabzavotchilik, oziq-ovqat sanoatini rivojlantirish, texnika ta'minoti, chorvachilik, baliqchilik, parrandachilikni rivojlantirishdagi mavjud muammolarni o‘rganib, ularni hal etish va ishlar samaradorligini oshirish bo‘yicha aniq topshiriqlar berildi.

 

Ishchi guruhi bajarilgan ishlar yakunida viloyatning tuman va shaharlari hokimlari va sektor rahbarlari, tuman va shahar xalq deputatlari Kengashlari vakillari, tadbirkorlar, fermerlar va klasterlar rahbarlari ishtirokida videoselektor yig‘ilishi o‘tkazilib, muhim vazifalar belgilanib olindi, mas'ul rahbarlarga tegishli topshiriqlar berildi.

 

Aniqlangan kamchiliklarni bartaraf etish va belgilangan vazifalarni ijrosini ta'minlash bo‘yicha “Yo‘l xaritasi” ishlab chiqilib, tumanlar 4 ta sektor rahbarlari agrar va oziq-ovqat sohalarini rivojlantirish bo‘yicha belgilangan topshiriqlarning o‘z muddatlarida ijrosini ta'minlashga mas'ul ekinligi belgilandi.