Qarorda soliq to‘lovchilar bilan o‘zaro hamkorlikning raqamli shaklini joriy etish, soliqlar va yig‘imlarni undirishda (to‘lashda) soliq organi va bank tizimi o‘rtasida elektron ma'lumot almashinuvini takomillashtirish choralari tasdiqlandi.

 

Shuningdek, nazorat-kassa mashinalari va virtual kassa tizimi qo‘llanilishini yanada takomillashtirish, davlat boji va boshqa yig‘imlarni undirishning yagona tartibi amaliyotga tatbiq etilmoqda.

 

Yangi qaror bilan davlat soliq xizmati organlari faoliyatiga oid uchta yangi nizom tasdiqlanmoqda. Ular quyidagilar:

 

– “Soliq monitoringini o‘tkazish tartibi to‘g‘risida”gi nizom;

 

– “Soliq to‘lovchining bank hisobvaraqlari bilan bog‘liq operatsiyalar bo‘yicha soliq organi va bank tizimi o‘rtasida elektron ma'lumot almashish tartibi to‘g‘risida”gi nizom;

 

– “Davlat organlari va tashkilotlari tomonidan undirilgan davlat boji va boshqa yig‘imlarning byudjet tizimiga tushumlarini hisobga olish tartibi to‘g‘risida”gi nizom.

 

Mazkur hujjatga ko‘ra, Vazirlar Mahkamasining 2019-yil 23-noyabrdagi “Onlayn nazorat-kassa mashinalari va virtual kassa tizimi qo‘llanilishini ta'minlash chora-tadbirlari to‘g‘risida”gi 943-sonli qaroriga bir necha o‘zgartirishlar kiritilmoqda.

 

Ushbu o‘zgartirish va qo‘shimchalar, 2021-yil 1-martdan amaliyotga kiritiladi.

 

Bundan tashqari, Vazirlar Mahkamasining 2012-yil 24-oktabrdagi “Umidsiz soliq qarzini hisobdan chiqarish tartibi to‘g‘risidagi nizomni tasdiqlash haqidagi” 307-son qarori o‘z kuchini yo‘qotdi.

 

Hurmatli soliq to‘lovchilar, ushbu o‘zgarishlar haqida batafsil ma'lumotlar siz uchun qiziq bo‘lsa, Davlat soliq qo‘mitasi rasmiy sayti (https://soliq.uz/) va ijtimoiy tarmoqlardagi sahifalarini – Telegram (http://t.me/soliqnews) Facebook (https://www.fb.com/Soliqpressa/) Youtube (https://www.youtube.com/channel/UCa9OMuj11fI6J7wcocYD6Vg) Instagram (https://instagram.com/soliqnews?igshid=1f35lo7b0n6c3) kuzatib boring. Tez orada qaror bilan kiritilayotgan o‘zgarishlar haqida Davlat soliq xizmati organlari mutaxassislari tomonidan tayyorlangan tushuntirish-targ‘ibot materiallari yuqorida qayd etilgan manbalarda e'lon qilinadi.