O‘zbekiston Respublikasi Prezidentining farmoniga binoan, mamlakatimizning BMTdagi doimiy vakili Baxtiyor Ibragimovga Favqulodda va muxtor elchi diplomatik martabasi berildi, deb xabar bermoqda “Dunyo” AA muxbiri.

Baxtiyor Ibragimov Toshkent shahrida tug‘ilgan, u - 54 yoshda. 1992-yildan beri Tashqi ishlar vazirligida turli lavozimlarda, jumladan, O‘zbekistonning AQSh va Janubiy Koreyadagi elchixonalarida ishlagan.

2017-yil may oyida O‘zbekistonning BMTdagi doimiy vakili etib tayinlangan.

2019-yil iyun oyida O‘zbekiston birinchi marta BMT Bosh assambleyasining 73-sessiyasida navbatdagi sessiya raisining o‘rinbosari etib saylandi. Ushbu vazifani B.Ibragimov mamlakatimizning doimiy vakili sifatida BMT Bosh assambleyasining 74-sessiyasida 2019-yil sentabr oyidan 2020-yil sentabr oyigacha amalga oshirdi.

Manba: “Dunyo” axborot agentligi