Kecha, 11-noyabr kuni TXTY 2020 doirasida onlayn forumga start berildi.    

Forumda ishtirok etish uchun www.uzbekistan.travel/titf-online/ saytida 32 mamlakatdan 500 nafardan ziyod kishi ro‘yxatdan o‘tgan.  AQSH, Kanada,  Fransiya, Belgiya, Italiya, Ispaniya, Shveysariya, Rossiya, Yaponiya, Misr, Qozog‘iston, Qirg‘iziston kabi mamlakatlarning turizm sohasi vakillari shular jumlasidandir.

Onlayn forumning birinchi kuni “Zoom” platformasida 200 ga yaqin kishi ishtirok etdi. Birinchi kun davomida to‘g‘ridan-to‘g‘ri translyatsiya qilingan uch konferensiyani 1600dan ortiq kishi ko‘rgan.

Muhokama qilingan mavzular: COVID-19  pandemiyasidan keyin turizm sohasini tiklashga doir amaliy chora-tadbirlar va “Uzbekistan.Safe travel guaranteed” (O‘zbekistonda xavfsiz turizm) tizimi. Turizm sanoatining shakllanishida yoshlar/sayyoh-milleniallarning roli. Turizmning faol turlarini rivojlantirish. Halol turizm standartlari va ularning O‘zbekistonga integratsiyalashuvi. Raqamli turizmni rivojlantirishda zamonaviy tendensiyalar.  

Manba: O‘zbekiston Respublikasi Turizm va madaniy meros vazirligi