Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Yangicha harbiy an'analardan biri
2020-11-02 | Xavfsizlik sohasi
Yaqinlari, komandir va boshliqlari guvohligida ajdodlar xok-turopi makon topgan mana shu aziz va muqaddas ona tuprog‘imizni hamisha ko‘z qorachig‘iday asrashga ont ichib, Vatanga qasamyod qilgan harbiy xizmatchilarga qurol-yarog‘larning tantanali biriktirilishi paydo bo‘lgan yangicha harbiy an'analarimizdan sanaladi.
O‘zbekiston Respublikasi Mudofaa vazirligi Axborot-kommunikasiya texnologiyalari va aloqa harbiy institutida Vatanga qasamyod qilgan kursantlarga qurol-aslahalar biriktirildi. Marosimda katta xayotiy tajribaga ega bo‘lgan ofiserlar tomonidan kursantlarga qurol-aslahalar topshirilar ekan, ularga harbiy institutda bilim olish bilar bir qatorda qurol-aslahalarning sir-sinoatlarini mahorat bilan puxta egallashlari va doimo jangovar shay holatda saqlashlariga tavsiyalar berildi.
– Bizlarga ishonib topshirilgan qurol-aslahalarning mashg‘ulotlar davomida texnik tavsiflarini puxta o‘rganib, Vatanimizning tinchligi, xalqimizning osoyishta xayotini ta'minlash uchun doimo shay holatda tutamiz, – deydi kursant Rustam Bobojonov.
Kapitan Sherqo‘zi HAKIMOV
Manba: O‘zbekiston Respublikasi Mudofaa vazirligi
