TOSHKENT, 29-oktabr. / “Dunyo” AA /. Butunjahon qonun va tartib indeksiga ko‘ra, O‘zbekiston dunyoda xavfsizlik darajasi bo‘yicha yetakchi to‘qqiz mamlakat safidan o‘rin oldi, deb xabar bermoqda “Dunyo” AA muxbiri.

Ushbu tahlil nufuzli Gallup‘s Amerika jamoatchilik fikrini o‘rganish instituti tomonidan amalga oshirilgan. Unga ko‘ra, xavfsizlik bo‘yicha birinchi to‘qqizlikda O‘zbekistondan tashqari Singapur, Turkmaniston, Xitoy, Islandiya, Kuvayt, Norvegiya, Avstriya va Shvetsiya ham bor.

Reytingning eng quyi pog‘onasidan Afg‘oniston joy olgan. Ushbu davlat atigi 43 ball to‘plagan.

Ball natijalari turli mamlakatlar aholisi o‘rtasida o‘tkazilgan so‘rovnoma asosida tuzilgan. Berilgan savollar ro‘yxatiga politsiyaga ishonch, kechki soatlarda ko‘chalarda  xavfsiz yurish va boshqalar kiritildi.

Manba: “Dunyo” axborot agentligi