Tadbirda Boshqarma boshligʻi oʻrinbosari J.Yusupov raisligida, serqirra ijodkor, shoir, yozuvchi, filologiya fanlari nomzodi Ulugʻbek Hamdamov hamda Oʻzbekiston Yoshlar ittifoqi Toshkent shahar Kengashi raisi yordamchisi Zuhra Saidovalar ishtirok etishib, Davlat xizmatlari markazlari va FHDYO organlari xodimlariga oʻzbek tili tarixi, soʻnggi yillardagi ona tiliga boʻlgan eʼtibor, Hukumat tomonidan amalga oshirilayotgan ishlar toʻgʻrisida keng tushunchalar berib oʻtishdi.

Xodimlarga “Tilga boʻlgan eʼtibor, millatga boʻlgan eʼtibor, til – millatning maʼnaviy pasporti” degan fikrlarni bildirishdi.

Shuningdek, tashrif buyurganlar tomonidan Adliya vazirligi tizimida davlat tiliga shunday yuksak darajada eʼtibor qaratilganligi, Boshqarma, Davlat xizmatlari markazlari va FHDYO binolarida til toʻgʻrisida oʻzbek va jahon adabiyoti namoyondalarining hikmatli soʻzlari tushirilgan posterlar va plakatlar joylashtirilganligi alohida eʼtirof etildi.

Haqiqatdan ham til millat koʻzgusi. Uning qadri qanchalik baland boʻlsa, millatga boʻlgan hurmat ham shunchalik ortib boradi.

Tadbir yakunida xodimlar oʻzlarining qiziqtirgan savollariga toʻla qonli javob olishdi hamda taklif etilganlarga esdalik sovgʻalari topshirildi.