Vadim Abramov bosh murabbiyligidagi Oʻzbekiston milliy terma jamoasi oktyabr oyidagi FIFA kunlarida Eron va Birlashgan arab amirliklari terma jamoalariga qarshi oʻrtoqlik uchrashuvlarida maydonga tushadi. Vakillarimiz boʻlajak oʻyinlarga “Bunyodkor” futbol akademiyasi maydonlarida hozirlik koʻrmoqda.

Bugun BAAning “Shabab Al Ahli” klubi yarim himoyachisi Aziz Gʻaniyev, yigʻinga chaqiruv olgan “Paxtakor” klubi aʼzolari hamda boshqa futbolchilar ham terma jamoamiz ixtiyoriga kelib qoʻshildi.

Afsuski, “Nasaf” klubi vakillari Oybek Bozorov hamda Husniddin Aliqulovlar oʻz jamoasi mashgʻulotlarida olgan jarohati sabab ushbu yigʻinni oʻtkazib yuborishadi.

Milliy terma jamoamiz bugundan toʻliq tarkibda mashgʻulotlarni davom ettiradi.

Eslatib oʻtamiz, milliy terma jamoamiz 8-oktabr kuni Toshkentdagi “Paxtakor” markaziy stadionida Eron bilan kuch sinashsa, 12-oktabr kuni Dubayda amirliklar terma jamoasiga qarshi maydonga tushadi.

Manba: O‘zbekiston Respublikasi Yoshlar siyosati va sport vazirligi