Hududlardagi epidemiologik vaziyat, taʼlim dargohi va sogʻliqni saqlash tizimining vaziyatga tayyorligidan kelib chiqqan holda 21-sentabrdan boshlab, Respublika boʻyicha jami 4 379 ta (43,9%) maktab toʻlaqonli ravishda ishlamoqda.

Mazkur maktablarda 2,1 mln. nafar (34%) oʻquvchi tahsil olayotgan boʻlib, ulardan 1,5 mln. nafari (72%) anʼanaviy, qolgan 595 ming nafari (28%) onlayn shaklda taʼlim olmoqda.

Maktab faoliyati tiklanmagan oʻquvchilarning taʼlim olishi esa “Onlayn-maktab” loyihasi doirasidagi televizion darslar orqali taʼminlanmoqda.

Eslatib oʻtamiz, maktablarning anʼanaviy shaklda ochilishi toʻgʻrisidagi qarorlar har bir maktab boʻyicha individual tarzda ularning haqiqiy tayyorgarligi, hududdagi yohud maktabdagi sanitariya-epidemiologik vaziyat, oʻqituvchilar orasida koronavirus kasalligining qayd etilishi hamda sogʻliqni saqlash tizimi xulosalariga muvofiq faqatgina Mahalliy Kengash deputatlari ruxsatidan soʻng qabul qilinadi.

Manba: O‘zbekiston Respublikasi Maktabgacha va maktab taʼlimi vazirligi