2020-yil 18-avgustda O‘zbekiston va Turkmaniston tashqi ishlar vazirliklari o‘rtasida videokonferensaloqa formatida navbatdagi konsullik maslahatlashuvi bo‘lib o‘tdi.

Muzokaralarda ikki mamlakat tashqi siyosaiy idoralarining konsullik xizmatlari, huquqni muhofaza qilish organlari va diplomatik vakolatxonalari vakillari ishtirok etdi.

Do‘stona, konstruktiv va xayrixoh muhitda bo‘lib o‘tgan maslahatlashuvlar chog‘ida tomonlarni qiziqtirgan bir qator konsullik masalalari va ushbu yo‘nalishdagi ikki tomonlama hamkorlik istiqbollari batafsil muhokama qilindi.

Migratsiya sohasidagi hamkorlikka, mavjud ikki tomonlama shartnomalar qoidalarini amalga oshirishga, ikki mamlakat huquqni muhofaza qilish organlari o‘rtasidagi munosabatlarning bugungi holati va istiqbollariga alohida e’tibor qaratildi.

Muzokaralar yakunida idoralararo hamkorlikni faollashtirish va konsullik, huquqiy va migratsiya sohalarida hamkorlikni kengaytirish to‘g‘risida kelishuvga erishildi.

Manba: O’zbekiston Respublikasi Tashqi ishlar vazirligi