Biologik xilma-xillik hayotni ta’minlaydi. Bu biz nafas olayotgan havo, biz iste’mol qiladigan ovqat, xayotni saqlab qoladigan dori-darmonlar va biz ishonadigan suvni yaratadi. Ammo yer va turlarning haddan tashqari ko‘p ishlatilishi, intensiv dehqonchilik, ifloslanish va iqlim o‘zgarishi biologik xilma-xillikni buzadi.

Hozirgi kunda biz tabiiy ofatlar, oziq-ovqat, suv tanqisligi va boshqa muammolarga duch kelmoqdamiz. Shu sababli, biologik xilma-xillikni ta’minlash orqali barqaror rivojlanishga erishish mumkin.

Ushbu muhim mas’uliyatni anglagan holda, ISO tashkilot tomonidan bioxilma-xillikga oid standartlarni ishlab chiqish uchun ma’sul qo‘mita tuzildi. Ushbu ISO / TS 331 biologik xilma-xillika Fransiyaning AFNOR milliy standart idorasi raislik qiladi. Qo‘mita bioxilma-xillik muammolarini hal qilish uchun mavjud milliy va xalqaro tajribani birlashtirish va kengaytirish orqali yaxlit yondashuvni taqdim etishni rejalashtirmoqda.

Boshqaruv qo‘mitasi vakili Kerolin Luilleri ta’kidlashicha, ISO / TS 331 ishlashi tashkilotlarga, shu jumladan hukumat va va biznes hamjamiyatga, biologik xilma-xillikni o‘z strategiyalariga, qaror qabul qilish jarayoni va harakatlariga qo‘shishga yordam beradi.

Shuningdek, ISO / TS 331 atrof-muhit muhandisligi, tabiiy resurslarga asoslangan yechimlar va tegishli texnologiyalar kabi biologik xilma-xillikning aniq masalalari bo‘yicha ko‘rsatmalarni ishlab chiqishni o‘z oldiga maqsad qilib qo‘ygan.

Yangi qo‘mitaning natijalari milliy va maxalliy hokimliklar,korxonalar va boshqa tegishli tashkilotlarga bioxilma-xillik bilan bog‘liq joriy faoliyatini takomillashtirish va yangi mahsulotlar va tashabbuslarni ishlab chiqarishda yordam beradi.

Kelajakda bioxilma-xillikga oid standartlardan foydalanish tashkilotlarga Birlashgan Millatlar Tashkilotining Barqaror Taraqqiyot Maqsadlari, Iqlim harakati (BMT 13), Suv ostidagi hayot (BMT 14), Quruqlikdagi hayot (BMT 15) dasturlarini amalga oshirishda bevosita hissa qo‘shish imkoniyatini beradi.

Mazkur xalqaro standartlar xaqidagi qo‘shimcha ma’lumot olish uchun “O‘zstandart” agengtligi Xalqaro xamkorlik boshqarmasiga, O‘zbekiston Standartlar institutiga yoki quyidagi havolaga murojaat qilishingiz mumkin: https://www.iso.org/news/ref2539.html

Manba: O‘zbekiston texnik jihatdan tartibga solish agentligi