2020-yilning 9-iyul kuni O‘zbekiston Respublikasining Mustaqil Davlatlar Hamdo‘stligiga raisligi doirasida videokonferensaloqa shaklida MDHga a’zo davlatlar Gumanitar hamkorlik kengashi va Gumanitar hamkorlik bo‘yicha davlatlararo jamg‘arma (GHDJ) boshqarmasining qo‘shma majlisi bo‘lib o‘tdi.

Tadbirda O‘zbekiston tomonidan Madaniyat vaziri Ozodbek Nazarbekov, Tashqi ishlar vaziri o‘rinbosari Ilhom Ne’matov, “O‘zbekkino” Milliy agentligi bosh direktori Firdavs Abduxoliqov ishtirok etdi.

Majlisda GHDJning 2019-yildagi amalga oshirgan ishlari sarhisob qilindi, Fondning joriy, jumladan hozirgi epidemiologik vaziyatdagi faoliyati yuzasidan fikr almashildi. 2021-yilga mo‘ljallangan davlatlararo loyihalarni amalga oshirish bo‘yicha takliflar ko‘rib chiqildi.

MDHga a’zo davlatlarning madaniy-gumanitar sohadagi hamkorligining boshqa dolzarb masalalari ham muhokama qilindi.

Manba: O’zbekiston Respublikasi Tashqi ishlar vazirligi