Qalb va til pokligini ulugʻlagan pir

O'zbekcha Ўзбекча Қарақалпақша Русский English

O`zbekiston Respublikasi
Hukumat portali

Umumiy bo'lim:	+998 (71) 239-8676
Devonxona:	+998 (71) 239-8260, +998 (71) 239-8486
Fuqаrоlаr qаbuli, хаt vа аrizаlаrni ko'rib chiqish bo'limi:	+998 (71) 239-8114
Faks:	+998 (71) 239-8463

Soha bo`yicha yangiliklar

Arxiv

‹	2024	›

Davlat hokimiyati

Kalendar

Voqealar

	Prezidentga murojaat
	Tadbirkor virtual ofisi
	Normativ-huquqiy hujjatlar ta'sirini baholash tizimi
	Davlat organlari ishonch telefonlari
	Hukumat bolalar nigohida

Portalda yangilik

Sen –qudrat manbai, saodat maskani, jonajon O‘zbekistonim! Batafsil>>>
Ommaviy savdolar orqali sotilishi belgilangan davlat mulki obyektlari Batafsil>>>
"Davlat organlari ijtimoiy tarmoqlarda" sahifasi Batafsil>>>
Jonajon O‘zbekistonim, mangu bo‘l omon! Batafsil>>>
“Ochiq byudjet” sahifasi Batafsil>>>

Qalb va til pokligini ulugʻlagan pir

2020-06-15 | Madaniyat

Maʼlumot oʻrnida Sayyid Amir Kulol Buxorodagi Yetti pirning biri. 1281-yilda hozirgi Kogon tumani Yangi Hayot qishlogʻida tugʻilgan.

Xoja Muhammad Boboyi Samosiydan tahsil olgan.Nevarasi Mavlono Shahobiddin tomonidan tayyorlangan «Maqomoti Amir Kulol», “Ogohiyi Sayyid Amir Kulol” asarlarida bu pir haqida qimmatli maʼlumotlar bor.Bu kitobning birinchisi 1909-yilda Buxoroda, ikkinchisi esa 1961-yilda Pokistonda nashr etilgan.Amir Kulol 1370-yilda vafot etgan.

Foto: Hasan Paydoyev / "Xalq so'zi"

-- Manbalarda aytilishicha, onalari “U qornimdaligida shubhali taom isteʼmol qilsam, qornim ogʻrir, tavba qilmagunimcha ogʻriqdan qutulmasdim.Bu hol bir necha bor takrorlandi.Shundan keyin luqmaning halol boʻlishiga eʼtibor qiladigan boʻldim.Ogʻriq ham barham topdi”, deya eslaganlar,--- deydi buxorolik taniqli tasavvufshunos, xattot, mudarris Gʻafurjon Razzoqov. --- «Maqomoti Amir Kulol» asarida keltirilishicha, Sayyid Amir Kulol“Agar u kishi (Amir Temur) Allohning muhabbatidan bahramand boʻlishni, Unga yaqin boʻlishni va ulugʻ martabalarga erishishni xohlasalar taqvo va adolatni oʻzlariga shior qilib olsinlar”, deya buyuradi.

Sohibqiron bu oʻgitlarga amal qilib, yuksak martabalarga erishgani esa tarixdan yaxshi maʼlum.

Bilasiz, yurtimizdagi muqaddas qadamjolar qatorida “Yetti pir” ziyoratgohi, jumladan, Sayyid Amir Kulol mangu qoʻnim topgan maskan ham dunyoning turli goʻshalaridan tashrif buyuradigan ziyoratchilaru sayyohlar bilan gavjum boʻlib kelgan.Shuni hisobga olgan holda hukumatimiz tomonidan bu qadamjo hududida keng koʻlamli qurilish – taʼmirlash, obodonchilik yumushlari bajarildi.Yangi masjid, tahoratxona, mehmonxona, kulolchilik ustaxonasi barpo qilindi.Koʻkalamzorlashtirish, obodonchilik ishlari amalga oshirilayapti.Bir soʻz bilan aytganda, bu yerda ziyoratchilar uchun zarur barcha qulayliklar yaratildi.

Foto: Hasan Paydoyev / "Xalq so'zi"

Aytmoqchi, yurtimizda koronavirus balosi tufayli masjidlar ham oʻz faoliyatini maʼlum bir muddat toʻxtatganidan xabardorsiz.Mana, nihoyat, moʻmin – musulmonlar kutgan damlar yetib keldi.Masjidlar eshigi ochildi.Musulmonlar endi karantin tartiblariga rioya etgan holda masjidlarda diniy amallarni ado etishlari mumkin. Biz esa maqolamizni Sayyid Amir Kulolning “Bilingki, qalb va tilning pokligi halol luqmadandir.Inson meʼdasini pok suv mavjud boʻlgan hovuz kabi tasavvur eting.Bu pok suv va tuproqdan hosil boʻlgan har gul va meva, albatta, pok va foydali boʻlur”, degan hikmatlari bilan yakunlamoqchimiz.

Istam IBROHIMOV