18-fevral kuni Innovatsion rivojlanish vaziri Ibrohim Abdurahmonov Vengriya tashqi iqtisodiy aloqalar va tashqi ishlar vaziri Peter Siyyarto bilan uchrashdi.

Tomonlar ikki davlat oʻrtasida ilm-fan va innovatsiyalar sohasida hamkorlik masalalarini muhokama qildilar. Xususan, Vengriya ilmiy tadqiqot muassasalarida olimlar va tadqiqotchilarning malakasini oshirish, qoʻshma ilmiy loyhilarni amalga oshirish, birgalikda texnoparklar tashkil etish boʻyicha muzokaralar olib borildi.

Peter Siyyarto oʻrta va oliy taʼlim tizimi iqtisodiyotning real sektori talablariga koʻra mutaxassislarni tayyorlashi zarurligi, va shu orqali mehnat bozorini takomillashtirish mumkinligi borasida Vengriya tajribasiga asoslangan holda fikrlar bildirdi. I. Abdurahmonov startap ekotizimini rivojlantirish, venchur jamgʻarmalarini takomillashtirishga xissa qoʻsha oladigan kadrlarning yurtimizda kamligi va bu boʻyicha qator ishlar qilinish zarurligini taʼkidladi.

Uchrashuv doʻstona ruhda oʻtdi.