Xalq taʼlimi vazirligi tizimida mehnat qilayotgan yoshlar soni respublikamiz boʻyicha eng katta koʻrsatkichni tashkil etadi. Birgina yoshlar siyosatini amalga oshirish sohasida vazirlik tizimida 5 ta boshqarma xodimi, barcha hudududiy va mahalliy boshqaruv organlarida 214 ta yoshlar yetakchilari, umumtaʼlim maktablarida 9 960 ta yoshlar yetakchilari faoliyat yuritmoqda.

Oʻzbekiston Respublikasi Prezidentining qarori bilan 2030-yilgacha xalq taʼlimi tizimini rivojlantirish konsepsiyasi tasdiqlangan boʻlib, maktablarda sifatli taʼlimni taʼminlashga qaratilgan keng koʻlamli islohotlar amalga oshirilmoqda. Alohida qayd etish joizki, mazkur jarayonda belgilangan maqsadlarga erishish uchun kadrlar tanlovi muhim ahamiyat kasb etadi.

Mamlakatda amalga oshirilayotgan islohotlarda faol ishtirok etadigan, xalq manfaatlariga sadoqat bilan xizmat qiladigan, bilimli, tashabbuskor, ishbilarmon, halol va fidoyi yosh rahbar kadrlarni tarbiyalash, ularni davlat va xoʻjalik boshqaruvi organlarining masʼul lavozimlariga tayinlash maqsadida Xalq taʼlimi tizimidagi umumiy oʻrta taʼlim maktablarida faoliyat olib borayotgan yoshlar yetakchilari masʼul lavozimlariga tavsiya etildi. 21 nafar yoshlar yetakchilari umumiy oʻrta taʼlim maktabi direktori, 305 nafar yoshlar yetakchilari direktor oʻrinbosari, 269 nafar yoshlar yetakchilari boshqa lavozimlarga tayinlandi.

Xalq taʼlimi vazirligi tizimidagi umumtaʼlim maktablarida
2019-2020 oʻquv yilida faoliyat yuritayotgan Yoshlar yetakchilarining
rahbar lavozimlarga tayinlanishi boʻyicha
MAʼLUMOT

2020 yil, 8 yanvar holatiga

Xalq taʼlimi vazirligi kreativ fikrlaydigan, muammoli vaziyatlarda toʻgʻri qarorlar qabul qila oladigan yoshlarni hamisha qoʻllab-quvvatlashga tayyor ekanligini maʼlum qiladi.