Tadbirkor Saidmahmud Sultonov oʻz mablagʻlari hisobidan 1 milliard 200 million soʻm ajratib, Buvayda tumanidagi 45-umumtaʼlim maktab hududiga qoʻshimcha 120 oʻringa ega boʻlgan zamonaviy oʻquv binosi qurib berdi.

Oʻzbekiston Respublikasi Konstitutsiyasi qabul qilinganligining 27 yilligi munosabati bilan Buvayda tumanida boʻlib oʻtgan bayram tadbirida S.Sultonovga mamlakatimizda taʼsis etilgan “Taʼlim homiysi” koʻkrak nishoni tantanali ravishda topshirildi.

Koʻkrak nishoni topshirilish marosimida Fargʻona viloyati xalq taʼlimi boshqarmasi boshligʻi M.Turdimatov hamda Buvayda tumani hokimi B.Ibragimov ishtirok etdi. Tadbirkor S.Sultonov Xalq taʼlimi vaziri Sh.Shermatovga bu berilgan eʼtibor uchun alohida minnatdorchilik bildirib, kelgusidagi ishlarida ham taʼlim muassasalariga yordam berish va koʻmaklashishini taʼkidlab oʻtdi.