O‘zbekiston yoshlar ittifoqi Toshkent shahar kengashi tomonidan “StudFest” festivali tashkil etildi.

Festivaldan maqsad yoshlar turmush darajasini oshirishga ko‘maklashish, ularni vatanparvarlik ruhida tarbiyalash, ta’lim, sport, kibersport, axborot-kommunikatsiya yo‘nalishida bilim va ko‘nikmalarini oshirish, tadbirkorlik sohasidagi faoliyatida amaliy yordam berish, tashabbuslarni qo‘llab-quvvatlash, ularga yaqin maslakdosh bo‘layotgan soha vakillarini rag‘batlantirishdan iboratdir.
 
Festivalning dastlabki kunida “Muvaffaqiyatga erishish sirlari” mavzuida taniqli tadbirkorlar bilan uchrashuv bo‘lib o‘tdi. Unda tadbirkorlar o‘z hayot yo‘li, qanday qilib yutuqlarga erishgani haqida gapirib berdi.
 
2-dekabrgacha davom etadigan festival doirasida sport musobaqalari, shoular, “Qizlar ovozi” forumi kabi tadbirlar bo‘lib o‘tishi ko‘zda tutilgan.

Gulnoza BOBOYEVA, O‘zA