Buyuk Ipak yo‘li madaniy me’rosini targ‘ib etish maqsadida YUNESKO navbatdagi “Ipak yo‘li yoshlar nigohida” mavzusi bo‘yicha badiiy fotosuratlar tanlovini e’lon qildi. Ushbu tanlovda 14 yoshdan 25 yoshgacha bo‘lgan yoshlar ishtirok etishi mumkin.

Tashkil etilayotgan fotosuratlar tanlovi quyidagi uch mavzuga bag‘ishlanadi:

• Gastronomiya va taomlar;
• An’anaviy sport o‘yinlari;
• Musiqa va raqs san’ati.

Tanlov bo‘yicha fotosuratlar onlayn tarzda 2020-yilning 6-yanvar kuniga qadar qabul qilinadi. Batafsil ma’lumotni quyidagi veb-sahifa orqali olish mumkin (https://yunescosilkroadphotocontest.org). Tanlov natijalari 2020-yilning 21-mart kuni YUNESKO veb-sahifasi www.unesco.org/silkroad orqali e’lon qilinadi. Buyuk ipak yo‘li bilan uzviy bog‘liq bo‘lgan O‘zbekiston madaniy me’rosini saqlash va jahon bo‘yicha targ‘ib etish muhimligini inobatga olgan holda, ushbu YUNESKO tanlovida davlatimizning barcha hududlaridan yoshlar ishtirok etishlari mumkin.