Saudiya Arabistoni Podshohligi Tashqi ishlar vaziri

Amir Faysal bin Farhon Ol Saud Janobi Oliylariga

Janobi Oliylari,

Saudiya Arabistoni Podshohligi Tashqi ishlar vaziri etib tayinlanganingiz munosabati bilan Siz Janobi Oliylarini chin qalbimdan muborakbod etib, o‘zimning samimiy tabrik va ezgu tilaklarimni yo‘llashdan bag‘oyat mamnunman.

Aminmanki, O‘zbekiston va Saudiya Arabistoni o‘rtasidagi keng qamrovli va uzoq muddatli hamkorlik aloqalari mamlakatlarimiz manfaatlari yo‘lida yanada izchil va samarali rivojlanib boraveradi.

Fursatdan foydalanib, Siz Janobi Oliylariga mustahkam sog‘liq, baxt-saodat va do‘st Saudiya Arabistoni xalqiga tinchlik-osoyishtalik, taraqqiyot va farovonlik tilab qolaman.

Kamoli ehtirom ila,

Abdulaziz Kamilov,

O‘zbekiston Respublikasi Tashqi ishlar vaziri