Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Ipak yoʻlining qudrati: Ajoyib Xitoy
2019-10-25 | Madaniyat
Toshkent fotosuratlar uyida Xitoy Xalq Respublikasi tashkil topganining 70 yilligi munosabati bilan “Ipak yoʻlining qudrati: ajoyib Xitoy” nomli koʻrgazma tashkil etildi.
Unda Xitoyning Dalyan Badiiy akademiyasi rassomlar uyushmasi aʼzolarining anʼanaviy rangtasvir asarlari tomoshabinlar eʼtiboriga havola etilmoqda.
Ekspozitsiyada zamonaviy Xitoy rangtasvirining Chjan Lun Sin, Kuan Syao Szin, Li Min, Yan Lan Shen, Yan Xuey Dun, Du Sun Ju singari tasviriy sanʼat ustalarining oltmishdan ortiq asarlari namoyish etilmoqda.
Asarlarda mamlakatning goʻzal, vazmin va sokin tabiati, maftunkor manzaralari lirik va adabiy talqin etilgan. Anʼanaviy xitoy rangtasviri ranglar va chiziqlar nihoyatda nafisligi bilan ajralib turadi. Kartinalar tomoshabinda falsafiy mushohada uygʻotib, uning nafosat olamini tarbiyalashga xizmat qiladi. Xitoyning betakror tabiati, togʻlariyu sharsharalari, zumrad oʻrmonlari, oʻsimliklar boy dunyosi haqida hikoya qiluvchi ushbu koʻrgazma tomoshabinlarda katta taassurot uygʻotmoqda.
N.USMONOVA, OʻzA
