Alisher Navoiy nomidagi Toshkent davlat o‘zbek tili va adabiyoti universitetida oliygohning mustaqil talabalar uyushmasi tomonidan “The Chance” respublika yoshlari forumi o‘tkazildi.

Forum yurtimizning turli oliy ta’lim muassasalarida tahsil olayotgan talabalarni kelajak maqsadlar yo‘lida birlashtirishga yo‘naltirilgan bo‘lib, unda bugungi kunda yoshlar uchun dolzarb bo‘lgan sakkiz yo‘nalish qamrab olindi.

Jumladan, yoshlar uchun biznes startap, muxtasarlik (minimalizm), axborot texnologiyalari, moddiy va ma’naviy yuksalish, kitob o‘qish va uqish san’ati, bestseller kitob yozish, ijtimoiy reklama va professional fotograflik, blogerlik, shaxs kamoloti va uni rivojlantirish kabi sho‘’balardan iborat.

Har bir yo‘nalishda forum ishtirokchilari o‘z sohasi bo‘yicha ma’lum yutuqlarni qo‘lga kiritgan, barchaga o‘rnak bo‘la oladigan ekspertlarning treninglarida qatnashishdi.

Forum yoshlarga o‘z iqtidorlarini namoyish etish, o‘zlarining kuchli jihatlarini aniqlash va kamchiliklari ustida ishlash IMKONini berdi.

Tadbir yakunida barcha ishtirokchilar maxsus sertifikat va bir olam taassurotlarga ega bo‘ldilar.