O‘zbekiston Respublikasi Qishloq xo‘jaligi vazirligida BMT Taraqqiyot dasturi ekologiya masalalarni moliyalashtirish ijrochi Koordinatori Pradip Kurukulasuriya rahbarligidagi BMT Taraqqiyot dasturining Nyu-York va Istambul ofislari ekspertlari delegatsiyasi bilan uchrashuv bo‘lib o‘tdi.

Qishloq xo‘jaligi vaziri o‘rinbosari S.Xodjayev xalqaro tashkilot delegatsiyasini vazirlikka tashrifi bilan qutlab, ularni O‘zbekistonda agrar sohada amalga oshirilayotgan islohotlar bilan qisqacha tanishtirib o‘tdi.

Uchrashuvda BMT shafeligida o‘tkaziladigan oliy darajadagi «Orolbo‘yi - ekologik innovatsiyalar va texnologiyalar hududi» xalqaro konferentsiyasiga tayyorgarlik ishlari va Orolbo‘yini ekologik innovatsiya va texnologiyalar hududiga aylantirish bilan bog‘liq masalalar muhokama etildi.

BMT Taraqqiyot dasturi ekologiya masalalarni moliyalashtirish ijrochi Koordinatori Pradip Kurukulasuriya mazkur xalqaro konferentsiyaning ahamiyati haqida gapirib, u Orolbo‘yi mintaqasidagi mavjud muammolarni hal etish, hududda ekologik innovatsiyalar va texnologiyalarni joriy etishda muhim o‘rin tutishini ta’kidladi.