Oʻzbekiston Respublikasi Xalq taʼlimi vazirligi 1-oktabr – “Oʻqituvchi va murabbiylar kuni” bayrami munosabati bilan #ustozgaehtirom chellenjini eʼlon qiladi.

1-oktabr – “Oʻqituvchi va murabbiylar kuni” bayramida har birimiz ustozlarimizni kasb bayrami bilan qutlaymiz va ularga ehtirom koʻrsatamiz.

#ustozgaehtirom chellenji doirasida oʻqituvchilarga minnatdorchilik bildirgan holda Siz erishgan yutuqlarda ularning oʻrni haqida video va matn shaklidagi murojaatlar Facebook, Instagram, Youtube hamda boshqa ijtimoiy tarmoqlarda #ustozgaehtirom xeshtegi bilan eʼlon qilinishi lozim. Shu bilan birga, har bir chellenj ishtirokchisi oʻz yaqinlaridan kamida uch nafarini ustozga ehtirom koʻrsatish uchun chaqirishi kerak.

Mazkur chellenjning asosiy maqsadi jamiyatimizda oʻqituvchi va murabbiylarga ehtirom yuqori ekanini koʻrsatishdir.