Joriy yil 16-sentabr kuni oliy va o‘rta maxsus ta’lim vazirligida UNICA tashkiloti Bosh direktori Kris Deyonskire - (Kris Dejonckheere) rahbarligidagi delegatsiya bilan uchrashuv bo‘lib o‘tdi.

“UZDOC 2.0: O‘zbekiston oliy ta’lim muassasalarida doktorlik ta’lim sifatini yaxshilash” loyihasi doirasida tashkil etilgan mazkur uchrashuvda O‘zbekistonda oliy o‘quv yurtidan keyingi ta’limni rivojlantirish istiqbollari, UNICA tashkilotining xorijiy ekspertlari ishtirokida OTM va ITIlari professor-o‘qituvchilari, doktorant va ilmiy rahbarlari uchun seminar-treninglar tashkil etish masalalari muhokama qilindi.

UNICA tashkilotining vazirlik va boshqa tashkilotlar bilan hamkorlik doirasida qo‘lga kiritgan natijalari quyidagilardan iborat:

- vazirlik va boshqa tashkilotlar rahbarlari bilan muntazam aloqaning o‘rnatilgani;
- O‘zbekiston OTMlari professor-o‘qituvchilari, akademik va ma’muriy tarkibi uchun yangi tajribalarni o‘zlashtirish maqsadida tashkil etilgan akademik tashriflar (Granada, Zagreb, Turin, Bryussel, Budapesht universitetlari);
- O‘zbekistonda doktoranturani rivojlantirish va uning sifatini ta’minlash, tadqiqotlar internatsionalligiga erishish maqsadida oliy ta’lim tizimining bugungi kundagi taraqqiyoti holati tahlili asosida “Oliy o‘quv yurtidan keyingi ta’limni rivojlantirish bo‘yicha ko‘rsatma”ni tayyorlash;
- O‘zbekistonlik rahbarlar, ma’muriy tarkib va doktorantlar uchun treninglar majmui;
- doktorantlarni qo‘llab-quvvatlash virtual markazining ochilishi.
- yo‘lkira haqi va yashash xarajatlari;
- ekspertlar ishining narxi (tayyorgarlik va ish kunlari);
-ma’muriy xarajatlar.

UNICA tashkiloti doktoranturada tahsil oluvchilarning xalqaro jurnallarda maqolalarni chop etish, akademik ingliz tilini egallash ko‘nikmalarini mustahkamlash; doktorantura va Cotutelle qo‘shma dasturlarini rivojlantirish; kommunikativ ko‘nikmalarni takomillashtirish va xalqaro konferentsiyalarda ishtirok etish tajribasini boyitish.

Treninglar byudjeti quyidagilarni o‘z ichiga oladi:

- yo‘lkira haqi va yashash xarajatlari;
- ekspertlar ishining narxi (tayyorgarlik va ish kunlari);
- ma’muriy xarajatlar.