Ijtimoiy tarmoqlarda tarqalgan, qishloq xo‘jaligida band bo‘lgan fuqaroga nisbatan zo‘ravonlik va haqoratlash aks ettirilgan video tasvir yuzasidan.

O‘zbekiston Respublikasi Bandlik va mehnat munosabatlari vazirligi ijtimoiy tarmoqlarda tarqalgan videorolikda aks etgan voqyeani o‘rganmoqda (ijtimoy tarmoqlarda fuqaro o‘zbekistonlik ekani qayd etilmoqda).

Ko‘rsatilgan videorolikda voqyea va uning ishtirokchilari to‘g‘risida yetarli ma'lumotlar mavjud emasligi sabab, voqyea joyida bo‘lgan guvohlardan, shuningdek, voqyea haqida har qanday ma'lumotga ega bo‘lgan shaxslardan O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agenligiga yoki voqyea Koreya Respublikasida ro‘y bergan bo‘lsa, Agentlikning Kvandju shahridagi vakolatxonasiga bu haqida xabar berishlarini iltimos qilamiz.

Ma'lumot bergan shaxsning ism-sharifi sir saqlanishi kafolatlanadi.

Ma'lumot uchun telefon raqamlar:

Koreyada: +8270 4252 2772, +8262 962 02 01,  +8210 9910 0057, +8210 8495 0027

O‘zbekistonda: +998 71 202 33 55