Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Janubiy Koreya bilan oliy taʼlim sohasidagi hamkorlik kengaytiriladi
2019-06-26 | Ta’lim
Janubiy Koreyaning Vusong universiteti Prezidenti, Doktor Djon Endikot boshchiligidagi delegatsiya Oʻzbekiston Respublikasi Oliy va oʻrta maxsus taʼlim vazirligiga tashrif buyurdi.
Delegatsiya rahbariga Vusong taʼlim jamgʻarmasi boshqaruv kengashi aʼzosi Sang Xan Kim hamda Vusong universitetining Boshqaruvni rejalashtirish departamenti direktori Byungik Jung hamrohlik qildi. Mehmonlarni Oliy va oʻrta maxsus taʼlim vaziri Inom Madjidov qabul qildi.
Ikki tomonlama boʻlib oʻtgan uchrashuvda Oʻzbekiston va Koreya oʻrtasida oliy taʼlim sohasida oʻzaro manfaatli hamkorlikni rivojlantirish, malakali mutaxassislar tayyorlash borasida aloqalarni kengaytirish masalalari muhokama qilindi.
Uchrashuv yakunida Oʻzbekiston Respublikasi Oliy va oʻrta maxsus taʼlim vazirligi va Janubiy Koreyaning Vusong universiteti oʻrtasida hamkorlik memorandumi imzolandi.
